/2022.07.01/ ОБЕГ-ын харьяа Үндэсний аврах бригадын Агаарын ажиллагааны салбараас шүхэрчин аврагчдын дадлага буултыг Төв аймгийн Батсүмбэр сумын нутаг “Үдлэг” нислэг буултын талбайд зохион байгууллаа.

Шүхрийн зааварлагч, шүхэрчин аврагч, десантчин аврагч, нисэх төхөөрөмжийн нисгэгч нарын ур чадварыг дээшлүүлэх зорилготой дадлага буултанд 14 алба хаагч хамрагдсан юм.

Алба хаагчид ОБЕГ-ын харьяа Агаараас эрэн хайх, аврах 111 дүгээр ангийн ЕС-145 маягийн нисдэг тэргээр нислэг үйлдэж, нийт 62 удаагийн шүхрийн буултыг хийлээ.

Эх сурвалж: ОБЕГ