/2022.07.01/: Сангийн сайд Б.Жавхлан цаг үеийн асуудлаар мэдээлэл хийлээ.

Тэрээр:

-Хөгжлийн банкны чанаргүй зээл эхний хагас жилд нэлээд төлөгдлөө. Нийт 485 тэрбум төгрөгийн чанаргүй зээл төлөгдсөн байна. Ийм өндөр дүн гарахад сүүлийн долоо хоногийн хугацаанд Засгийн газар, Сангийн яам томоохон зээлүүдэд төвлөрч ажиллалаа. Тухайлбал, "Кью-Эс-Си " компани 191,1 тэрбум төгрөгийн зээлээ бүрэн төлж дууслаа. Ингэснээр Хөгжлийн банк алдагдлын сан байгуулж, энэ хэмжээгээр өөрийн хөрөнгө буурах байсан эрсдэл байхгүй боллоо гэв.