/2022.6.29/ Баян-Өлгий аймгийн сурагчид нэгдүгээр ангиасаа монгол хэл үзэх талаар Боловсролын сайд Л.Энх-Амгалан мэдээлсэн.

Л.Энх-Амгалан сайдын мэдээлснээр тус аймгийн багш нарын 80 хувь нь монгол хэлгүй ажээ. Тиймээс БШУЯ-наас багш нарт монгол хэл заах, багш сурагчдын монгол хэлний түвшинг сайжруулах хос хэлний хөтөлбөрийг эхлүүлжээ.

Харин казах хүүхдүүдэд зургаан наснаас нь монгол хэл заахыг тус аймгийн иргэн М.Рысбек эсэргүүцэж байгаа юм. Тэрээр сурах бичгийн хүртээмж, чанар муу, монгол хэлний багш нар чадваргүй, систем нь авлигад идэгдсэн талаар ярьжээ.

Тэгвэл 2022 оны элсэлтийн ерөнхий шалгалтын оноог харвал Баян-Өлгий аймгийн сурагчид бүх хичээл дээр сүүл мушгисан байна.