/2022.06.22/: Урин дулаан цаг ирж хүмүүс гол, нуурыг зорих болсноор усанд осолдож амиа алдах тохиолдол цөөнгүй гарч байна.

Өнгөрсөн 24 цагийн хугацаанд л гэхэд улсын хэмжээнд нийт 3 хүн усны ослоор амиа алдсан байна. Үүнд:

Хөвсгөл аймгийн Цагааннуур сумын “Цагаан нуур”-нд автомашин живсэн хэрэг гарсан бөгөөд уг ослоор иргэн У 26 настай, эмэгтэй амиа алдсан.

Архангай аймгийн Өгийнуур сумын “Тамир”-ын голын усанд Ө 15 настай, эрэгтэй живж амиа алдсан.

Нийслэлийн Хан-Уул дүүргийн 8 дугаар хороо, “Туул” голд оршин суух хаяг, нэр тодорхойгүй 35-40 орчим насны эрэгтэй амиа алдсан зэрэг харамсалтай хэргүүд гарчээ.

Эх сурвалж: ОБЕГ