/2022.05.23/: ОХУ-ын зэвсэгт хүчин Украины зүүн хэсэгт орших Северодонецк руу нэг шөнийн дотор хэд хэдэн чиглэлээс довтолсон боловч өмнөх байрлал руу нь няцаасан гэж Ерөнхийлөгч Зеленскийн ажлын алба ням гарагт мэдэгдэв.
- Северодонецк хотын долоон байшин, ойр орчмын хот, тосгоны 27 байшин эвдэрсэн гэж албаны мэдэгдэлд дурджээ.
- Северодонецк руу хийсэн халдлага нь Орос, Украины цэргийн хүчний хоорондын байлдааны шугамын дагуу хийсэн өргөн хүрээний дайралтын нэг хэсэг гэж Украины цэргийн жанжин штаб мэдэгдэв.
- "Дайсны хүчнүүд Славянскийн чиглэлд давшилтаа үргэлжлүүлэхээр бэлтгэж байна" гэж Украины ерөнхий штаб мэдэгдлээ.
- Оросын зэвсэгт хүчин мөн Луганск мужийн Северодонецк болон Лисычанск хотыг холбосон Павлоградын гүүрийг устгасан гэж Украины бүс нутгийн цэргийн удирдлагын тэргүүн мэдэгдлээ.
Северодонецк болон Словянск нь Украины Луганск мужийг хяналтандаа байлгах гол түлхүүр юм. Луганск болон зэргэлдээх Донецкийн зарим хэсэг 2014 оноос хойш Оросын дэмжлэгтэй салан тусгаарлагчдын хяналтад байгаа юм.
Орос-Украины дайны сүүлийн үеийн онцлох мэдээллүүд:
Украины Агаарын командлалаас Оросууд Житомир муж руу пуужин харвасан гэж мэдэгдэв: Украины Агаарын удирдлагын төв ням гарагт Оросын арми Житомир муж дахь дэд бүтцийн байгууламж руу пуужин харвасан гэж мэдэгдэв. Украины Агаарын удирдлагын төв өөрийн фэйсбүүк хуудсандаа мэдээлснээр Житомир мужийг "зүүн өмнөд чиглэлээс" тэнгисийн цэргийн далавчит пуужингаар довтолсон байна. "Оросын дөрвөн далавчит пуужинг тус төвийн агаарын довтолгооноос хамгаалах ангиуд устгасан" гэж нэмж хэлэв. Гурван пуужинг нисэх онгоц, нэг пуужинг Украины нисэх хүчний зенитийн пуужингийн анги устгасан байна. Житомир муж нь Киевийн баруун талд байрладаг.
ОХУ-ын Давост өөрийгөө сурталчлах зорилгоор ихэвчлэн ашигладаг байрыг Оросын Дайны гэмт хэрэгтэй тэмцэх ордон гэж нэрлэсэн байна: Давост болсон Дэлхийн эдийн засгийн чуулга уулзалтад (ДЭФ) Орос улс өөрийгөө сурталчлах зорилгоор ихэвчлэн ашигладаг газрыг Оросын Дайны гэмт хэрэгтэй тэмцэх ордон гэж өөрчилжээ. WEF-тэй хамтран ажилладаг Украины бизнесмэн уг үзэсгэлэнгийн газрыг Украины дайны сүйрлийг харуулсан үзэсгэлэн болгон хувиргажээ. Киевт төвтэй Виктор Пинчук сан болон орчин үеийн урлагийн олон улсын төв Пинчук Арт Центр хамтран зохион байгуулж буй “Үзэсгэлэн нь болж буй үйл явдлуудын гол баримтуудын талаар мэдээлэл өгөх, нэр, огноог хуваалцах зорилготой юм" гэж тус сангийн хэвлэлийн мэдэгдэлд дурджээ.
Украиныг ЕХ-нд элсэхэд "15, 20 жил" шаардлагатай гэж Францын сайд хэлэв: Украин Европын холбоонд элсэхэд дор хаяж "15 эсвэл 20 жил" шаардлагатай гэж Францын Европын асуудал эрхэлсэн сайд Клемент Боне мэдэгдэв. "Хэрэв бид Украиныг 6 сар, нэг жил, хоёр жилийн дараа Европын холбоонд нэгдэнэ гэж хэлвэл бид худлаа ярьсан болно" гэж Боне хэлсэн байна.
Оросууд Мариуполь хотын орж гарах хөдөлгөөнд өөрчлөлт оруулжээ: Мариуполь хотыг хянадаг Оросын хүчнийхэн хотод орж гарах автомашинд зөвшөөрөл нэхэж эхэлсэн гэж тус хотын захирагчийн зөвлөх ням гарагт мэдэгдэв. Зөвлөх Петр Андрущенко мөн тус бүс нутгаас Украинчуудыг албадан гаргах нь нэмэгдэж байгааг анхааруулав. Бямба гарагт тогтоосон хязгаарлалтын дагуу хот руу орж буй автомашин, зорчигчдод хотын баруун болон зүүн хэсэгт орших Манхуш эсвэл Виноградне хотод байрлах Оросын комендантын гаргасан нэг удаагийн үнэмлэх шаардлагатай гэж Андрученко хэлэв.
Литва Оросоос авах эрчим хүчний импортоо зогсооно: Литва улс ням гарагаас эхлэн ОХУ-ын эрчим хүчний төрлийн газрын тос, цахилгаан, байгалийн хий зэрэг импортоо болиулах аж. Тус улсын Эрчим хүчний яам баасан гарагт хийсэн мэдэгдэлдээ, Оросын Интер РАО компанитай цахилгаан эрчим хүчний худалдаагаа зогсоох шийдвэр гаргасан нь тус улс цаашид ямар ч цахилгаан ОХУ-аас импортлохгүй гэсэн үг юм. Литвийн Эрчим хүчний сайд Дайниус Крейвис "Энэ нь Литвийн эрчим хүчний тусгаар тогтнолын төлөөх аянд маш чухал үйл явдал болоод зогсохгүй Украинтай эв санааны нэгдлийн илэрхийлэл юм. Бид Оросын байлдааны машиныг санхүүжүүлэхээ зогсоох ёстой" гэжээ.
Эх сурвалж: CNN
