/2022.05.19/ Өнөөдөр болох үйл явдлуудын мэдээг тоймлон хүргэж байна.
-МАРКЕТИНГИЙН ЗӨВЛӨГӨӨ ӨГӨХ ӨДӨРЛӨГ ЗОХИОН БАЙГУУЛНА
Монголын маркетингийн холбооноос 200 жижиг дунд бизнес эрхлэгчид үнэ төлбөргүй маркетингийн зөвлөгөө өгөх өдөрлөг зохион байгуулна.
Энэхүү өдөрлөг нь маркетингийн зөвлөхүүд ганцаарчлан тухайн бизнест нь зөвлөгөө өгч байгаагаараа онцлог юм. Өдөрлөг МҮХАҮТ-ын Их танхимд 14:00-17:00 цагийн хооронд зохион байгуулагдана.
-ҮНДЭСНИЙ ХЭМЖЭЭНИЙ УУЛЗАЛТ ЗӨВЛӨГӨӨН БОЛНО
“Сэргээн засах анагаах ухааны орчин үеийн чиг хандлага болон Ковид-19 халдварын дараах тусламж үйлчилгээ” үндэсний хэмжээний уулзалт зөвлөгөөн, сургалтыг ЭМЯ, ДЭМБ, Канад сангийн дэмжлэгтэйгээр Анагаахын шинжлэх ухааны үндэсний их сургууль, Эрүүл мэндийн хөгжлийн төв, Бие бялдар сэргээн засах судлалын монголын нийгэмлэг хамтран зохион байгуулж байна. Уг уулзалт зөвлөгөөний нээлт тавдугаар сарын 19-нд болно. Тус уулзалт зөвлөгөөн, сургалт нь 5 дугаар сарын 18-21-ний хооронд 4 өдөр үргэлжлэх бөгөөд 21 аймаг, 9 дүүрэг, төрийн болон төрөлжсөн эмнэлгүүд, хувийн хэвшлийн нийт 150 сэргээн засахын эмч нар оролцож байна. Зөвлөгөөн АШУҮИС-ийн Анагаах ухааны сургуулийн 6 давхрын хурлын заал (БЗД, Амгалан, Ботаникийн цэцэрлэгт хүрээлэн) болно.
-"GHOST" КИНОНЫ НЭЭЛТ
"Reaction" продакшны бүтээл, жүжигчин Э.Тодгэрэл, Х.Цасчихэр нарын гол дүрд нь тоглосон "Ghost" киноны нээлт өнөөдөр буюу 2022.05.19-нд 19.00 цагаас "Cinema Next" кинотеатрт болно.
-ХЭВЛЭЛ МЭДЭЭЛЭЛ ИРГЭНИЙ ЧӨЛӨӨТ ОРОН ЗАЙГ ХАМГААЛАХ НЬ ВЭБИНАР
Иргэний нийгмийн байгууллага болон хэвлэл мэдээллийн хамтын ажиллагааг холбох, дэмжих, мэдээлэл солилцох цахим уулзалтад сэтгүүлчид, иргэний нийгмийн байгууллагын төлөөлөл та бүхнийг урьж байна.
Вэбинар 2022 оны тавдугаар сарын 19-ны 11:30-12:50 цагт болно.
-ИННОВАЦ БА ЖДҮ
Инновацын 7 хоногийн хүрээнд маргааш энэ арга хэмжээ болно. Манай бизнес эрхлэгчид, иргэд ЖДҮ эрхлэх сонирхолтой боловч шинжлэх ухаанч бус, инновац шингээдэггүй байдал нь амжилтгүй болох үндсэн болдог юм. Тиймээс хэрхэн инновацлаг ЖДҮ эрхлэх талаар маргааш хэлэлцэнэ. Та бүхнийг ирж сурвалжлахыг урьж байна.
-АРДЧИЛСАН НАМЫН ХУУЛЬЧИД МЭДЭЭЛЭЛ ХИЙНЭ
Өнөөдөр 10:30 цагт Ардчилсан намын хуульчид Чингэлтэй дүүргийн цагдаагийн 1-р хэлтсийн гадаа мэдээлэл хийнэ. Хэвлэлийн хурал: 2022.05.19-ны өдрийн 10:30 цагт Чингэлтэй. Дүүргийн Цагдаагийн 1-р хэлтсийн гадаа болно.
-ШУУДАНГИЙН МАРКИЙН АНХНЫ ӨДРИЙН НЭЭЛТИЙН ЁСЛОЛ БОЛНО
Монгол Улс, Япон Улсын хооронд дипломат харилцаа тогтоосны 50 жилийн ойд зориулсан шуудангийн маркийн анхны өдрийн нээлтийн ёслолын арга хэмжээ 5 дугаар сарын 19-ний өдрийн 15:00 цагт ГХЯ-ны Номин танхимд болно.
