/2022.05.19/: “Монголын инновацийн 7 хоног”-ийн арга хэмжээний хүрээнд ICIED2022: “Инноваци ба энтрепрейнершипийн хөгжил” олон улсын Эрдэм шинжилгээний 8 дахь удаагийн бага хурал 2022 оны тавдугаар сарын 19-ний өдөр онлайн болон танхим хосолсон хэлбэрээр зохион байгуулагдаж байна.

Энэхүү бага хурал нь инноваци, энтрепренершипийн бүхий л талын мэдлэг, туршлага, судалгааны үр дүнг хуваалцах, эрдэмтэн судлаачдын дунд хамтын ажиллагааны сүлжээ бүрдүүлэх, тэдгээрийг нэгтгэх зорилготой юм.

Энэ жилийн хурал “Шинэ нормал эриний инноваци” сэдвийн хүрээнд дараах 3 салбар хуралдаанаар зохион байгуулагдахаар төлөвлөгдсөн.

Нэгдсэн хуралдаан: Урилгын илтгэл

Салбар хуралдаан-1. Бүс нутаг, салбарын хөгжил дэх инновацийн асуудлууд

Салбар хуралдаан-2. Нийгэм, эдийн засгийн хүрээн дэх инновацийн хөгжлийн тулгамдсан асуудлууд

Энэ жилийн олон улсын хуралд Турк, Япон, БНХАУ, Монгол зэрэг 4 орноос, гадаад, дотоодын их дээд сургуулийн 70 гаруй эрдэмтэн судлаач 50 эрдэм шинжилгээний өгүүлэл ирүүлсэн байна. Эдгээр өгүүлэлд мэргэжлийн хянан магадлагаа (peer review) хийж, 36 бүтээлд ШУТИС-ийн Бизнесийн ахисан түвшний сургуулийн “Менежмент ба инноваци” ЭШ-ний сэтгүүлд (ISSN-2790-2382) нийтлүүлэх зөвшөөрөл олгосон ба сэтгүүл хэвлэгдсэн байна.

Эх сурвалж:: БШУЯ