/2022.05.03/: Өмнө нь Орчны бохирдлыг бууруулах Үндэсний хорооны санхүүжилтээр Ховд, Увс, Хөвсгөл аймгийн дулааны станцын янданд шүүлтүүр суурилуулснаар тухайн эх үүсвэрээс ялгарах бохирдол, тоос, тоосонцрыг 97-99% шүүж байгаа тухай Нийслэлийн Агаар, орчны бохирдолтой тэмцэх газрын явуулын хөдөлгөөнт станцаас хийсэн хэмжилт, шинжилгээний дүгнэлт гарсан.

Дээрх бодлогын баримт бичгийн хэрэгжилтийн хүрээнд дахин Орчны бохирдлыг бууруулах Үндэсний хорооны санхүүжилтээр Дорноговь аймгийн Сайншанд сум, Сэлэнгэ аймгийн Сайхан, Сүхбаатар сумдад мөн Нийслэлийн Налайх дүүргийн ДС-д шүүлтүүрийг суурилууллаа.

Дулааны станцын янданд шүүлтүүр суурилуулснаар агаар бохирдуулагч эх үүсвэрүүдээс ялгарах бохирдуулагч бодисын ялгаралын хэмжээг 97-99%-иар бууруулж, тухайн аймгийн төвийн агаарын бохирдлыг даруй 20-25%-иар бууруулах нөхцлийг бүрдүүлж байгаа юм гэлээ.

Эх сурвалж: БОАЖЯ