Булган аймгийн Иргэдийн төлөөлөгчдийн хурлын 17-р хуралдаан өнөөдөр болж байна. Тус хуралдаанаар Булган аймгийн ИТХ-ын төлөөлөгч Э.Мөнх-Очирыг аймгийн Ардчилсан намын бүлгийн саналаар төлөөлөгчөөс нь чөлөөллөө.

Ардчилсан намын бүлэг Э.Мөнх-Очирыг чөлөөлөхдөө “Төрийн тусгай алба буюу дипломат албанд шилжихээр болсон учраас” хэмээн тайлбарлажээ.

Э.Мөнх-Очир нь Австрали дахь Монголын Элчин сайдын яаманд элчин зөвлөхөөр ажиллахаар болсон гэнэ. Э.Мөнх-Очир УИХ-ын дарга асан Л.Энэбишийн төрсөн хүү бөгөөд 2008-2012 онд УИХ-ын гишүүн, 2020 онд Ардчилсан намаас сонгогдсон Х.Баттулга Ерөнхийлөгчийн зөвлөхөөр ажиллаж байсан туршлагатай. МАН-ын гишүүн Э.Мөнх-Очирыг төлөөлөгчөөс чөлөөлөх саналыг Ардчилсан намаас гаргаж байгаа сонирхолтой явдал юм.