/2022.05.02/ Монголын Үндэсний худалдаа, аж үйлдвэрийн танхим /МҮХАҮТ/-ын төлөөлөгчийн газар АНУ-ын Чикаго хотод өчигдөр буюу энэ сарын 1-ны өдөр нээлтээ хийжээ.

Тус төлөөлөгчийн газар Чикаго хот дахь МУ-ын Консулын газрын хажууд үйл ажиллагаа явуулах юм.

Үүгээр дамжуулан МҮХАҮТ-ын ажлыг АНУ-д сурталчлан таниулах, түгээн дэлгэрүүлэхээс гадна дараах үндсэн ач холбогдолтой юм. Тодруулбал,

• АНУ-ын бизнес эрхлэгчид Монгол Улсад хөрөнгө оруулах, харилцан ашигтай хамтын ажиллагаа хийх,
• Монголын бизнес эрхлэгч аж ахуй нэгж байгууллагууд АНУ-ын зах зээлд гарах, бараа бүтээгдэхүүнээ худалдан борлуулахад дэмжлэг үзүүлэх ач холбогдолтой.

Цаашид АНУ-д ажиллаж буй Монголын бизнес эрхлэгч нарт зориулан жижиг дунд, гарааны бизнес эхлэх, хөгжүүлэх талаар тогтмол сургалт явуулах ажээ.

МҮХАҮТ-ын төлөөлөгчийн газрын нээлтэд зориулж Вашингтон ДС болон Сан Франциско хотоос сургагч багууд ирж АНУ-д хэрхэн бизнес эхлүүлэх болон цахим худалдаа эрхлэх талаар хичээл заасан байна.