/2022.3.15/ Монгол Улсын эдийн засаг 2021 оны урьдчилсан гүйцэтгэлээр 1.4%-ийн өсөлттэй гарсан.

УИХ-ын дарга Г.Занданшатар энэ талаар УИХ-ын чуулганыг нээж үг хэлэхдээ:

"Хэдийгээр дотоодод цар тахлын халдвар хумигдаж байгаа ч хөрш орнуудын энэ чиглэлээрх хатуу бодлого, гадаад орчны нөлөөллөөс шалтгаалан экспорт буурсан нь эдийн засагт хүндрэл бий болгож байна. Тухайлбал, 2022 оны эхний 2 сарын байдлаар төмрийн хүдрээс бусад уул уурхайн бүтээгдэхүүний биет үйлдвэрлэл 13-97 хувь буурч, төлбөрийн тэнцэл 2022 оны нэгдүгээр сард 340.9 сая ам.долларын алдагдалтай гарлаа" гэлээ.

Үнийн өсөлт эрчимжиж, инфляц 2022 оны хоёрдугаар сарын байдлаар улсын хэмжээнд 14.2 хувьд хүрчээ. Харин Улаанбаатарт 15,5 хувь байна.