/2022.02.26/ Польш улс Украины Зэвсэгт хүчний (AFU) цэргийн албан хаагчдад зориулсан зэвсэгийн нөөц ачсан цувааг Украин руу илгээсэн тухай Польшийн Батлан хамгаалахын сайд Мариуш Блашчак өөрийн твиттер хуудсаараа дамжуулан мэдэгджээ.
Тэрээр "Бидний Украин руу шилжүүлж байгаа сум болон зэвсэгийн нөөц ачсан цуваа манай хөршид аль хэдийн очсон" гэж бичжээ. Польш Украин руу ямар төрлийн сум илгээсэн талаар Блашчак тодорхой хэлээгүй байна.
Польш улс украинчуудыг дэмжиж, тэдэнтэй эв санааны нэгдэлтэй хэвээр байгаа бөгөөд Украины эсрэг Оросын түрэмгийллийг эрс эсэргүүцэж байгааг тэрээр мөн онцолсон байна. Сануулахад, хоёрдугаар сарын 23-ны лхагва гарагт Канадын онгоц Украинд газардаж, Украины армид үхлийн зэвсгийн багцыг хүргэсэн юм.
Мөн ням гарагт Канад улс Украинд дахин нэг багц зэвсэг, цэргийн техник нийлүүлсэн ба үүнд мэргэн буучдын буу, жижиг зэвсэг, сум, шөнийн харааны төхөөрөмжүүд багтсан байна. Түүнчлэн хоёрдугаар сарын 18-нд Эстони Украинд танк эсэргүүцэх “Жавелин” пуужингийн системийг нийлүүлсэн тухай бичсэн бол Украины арми Литва улсаас “Stinger” хүн тээврийн агаарын довтолгооноос хамгаалах систем, цэргийн техникийг хүлээн авсан байна.
Эх сурвалж: ukranews.com
