/2022.02.24/: Хэнтий аймгийн Галшар сумын Оч багийн “Худгийн бууц” гэдэг газар 02.22-ноос 02.23-нд шилжих шөнө 5 ханатай гэр шатсан тухай мэдээллийг аймгийн ОБГ хүлээн авсан байна.

Тус аймгийн Онцгой байдлын газрын Бор-Өндөр сум дахь Гал түймэр унтраах, аврах 49 дүгээр анги, сум дахь Цагдаагийн хэлтсийн алба хаагчид 120 км замыг туулан очиход иргэн Б-гийн залгаатай 5 ханатай 2 гэр бүрэн шатсан байжээ. Тус гал түймэрт иргэн Б /34 настай, эрэгтэй/ өртөж нас барсан байна.

Эх сурвалж: ОБЕГ