/2022.01.26/ Монгол Улсын гавьяат тамирчин Э.Цэндбаатар болон ОУХМ, цагдаагийн хүч спорт хорооны тамирчин Г.Баярхүү нар мэргэжлийн боксын 2 дахь тулаанаа хийхээр өнөөдөр өглөө Москва хотыг зорилоо.
Тулаан хоёрдугаар сарын 20-ны болох аж. Э.Цэндбаатарын хувьд чансаа ахиулах 3 дахь тулаанаа хийх юм.
Тэрбээр 2018 онд БНХАУ-д мэргэжлийн анхны тулаанаа хийж Филиппин улсын тамирчинг ялж WBC холбооны Азийн залуучуудын аваргын бүс авсан. Мөн өнгөрсөн оны арванхоёрдугаар сард 2 дахь тулаанаа амжилттай хийж ялснаар мэргэжлийн боксын WBA Asia Champion бүсийн эзэн болсон юм.
ОУХМ Г.Баярхүүгийн хувьд мэргэжлийн боксын 2 дахь тулаан бөгөөд анхны тулаандаа Хятадын тамирчинг техникийн нокаутаар ялж байв.
