/2022.01.20/ УИХ-ын Инновац, цахим бодлогын байнгын хороо болон Нийгмийн бодлогын байнгын хорооноос 2021 оны намрын ээлжит чуулганы хугацаанд хийсэн ажлаа танилцууллаа.

УИХ-ын гишүүн Н.Учрал:

-Виртуал хөрөнгийн тухай хууль хорь хүрэхгүй хоногийн дараагаас хэрэгжиж эхэлнэ. Хэрэв энэ хугацаанд шинэ коин гарсан бол хариуцлага хүлээх ёстой. Биржүүд бүртгэхгүй байх ёстой. Хэрэв бирж дээр бүртгэлгүй бол тухайн коиныг арилжих ёсгүй гэсэн заалт байгаа.

Мөн коинтой холбоотой зар сурталчилгааг хориглох ёстой. Зар сурталчилгааны хуулиар олон нийтийн үйл ажиллагааг ивээн тэтгэх хэлбэрээр сурталчилхыг хориглодог. Ингэсэн тохиолдолд хуулийн хариуцлага хүлээнэ. Хэрэв дээрх хуулийг зөрчсөн тохиолдолд тухайн биржийн үйл ажиллагаа хэвийн явагдах эсэхэд Санхүүгийн зохицуулах хороо хяналт тавих бүрэн боломжтой.