/2022.01.20/: Энэ жилийн цэргийн бүртгэл энэ сарын 05-21-нийг хүртэл явагдана. Цэргийн бүртгэлд 18-55 насны иргэд хамрагдах ёстой бөгөөд өнөөдрийн байдлаар 89007 иргэн цэргийн бүртгэлээ цахимаар хийжээ.

Интернэтгүй орчинд амьдарч буй, цахимаар цэргийн бүртгэлээ хийх боломжгүй иргэд харьяа дүүрэг, хороо, аймаг сумынхаа цэргийн штабт хандаж бүртгэлээ хийлгэж болохоос гадна Төв шуудангийн 1 давхарт байрладаг "e-Mongolia" төвд биеэр очиж, операторуудын тусламжтайгаар цэргийн бүртгэлээ хийлгэх боломжтой.

Цэргийн бүртгэлд бүртгүүлээгүй тохиолдолд Зөрчлийн тухай хуулийн 17.3-т заасны дагуу хувь хүнийг 100 мянган төгрөгөөр торгодог.

Эх сурвалж: БХЯ