/2021.11.17/ Өчигдөр "Аэро Монголиа" компанийн MO91 Embraer-145 агаарын хөлөг "Чингис хаан" нисэх буудлаас 15.35 цагт 44 зорчигчтой хөөрч, Завхан аймгийн "Доной" нисэх буудалд 16.55 цагт буух үед баруун талын үндсэн дугуй нь хагарсан маш ноцтой асуудал гарчээ.

Онгоц "Чингис хаан" нисэх буудлын зурвасаас хөөрөхөд дугуй нь хагарсан байж болзошгүй гэж инженерүүд үзэж байгаа аж. "Аэро Монголиа" компанийн зүгээс хөөрсөн зурвасыг шалгаж үзтэл зурвасны гадаргуугаас хагарсан дугуйны рeзинүүд олдсон байна. Урьдчилсан байдлаар зурвасыг дутуу цэвэрлэсний улмаас дугуй хагарсан байж болзошгүй гэжээ.