/2021.10.18/: Олон улсын сансрын станцад (ОУСС) 12 хоног өнгөрсний дараа сансарт хийсэн анхны киног бүтээсэн Оросын жүжигчин, кино найруулагч ням гарагт эх дэлхийдээ буцаж ирэв.

Оросын ОУСС-ийн багийн гишүүн Олег Новицкий, Юлия Пересильд, Клим Шипенко нарын тээвэрлэж явсан "Союз МС-18" сансрын капсул Казахстаны баруун хэсэгт орших алслагдсан бүсэд ням гарагийн өглөө 07:35 цагт (0435 GMT) буусан гэж Оросын сансрын агентлаг Роскосмос мэдээлэв.

ОХУ-ын төрийн телевизийн бичлэгүүдээс үзвэл, буцаж ирэх капсул нь өргөн уудам казакстаны дээгүүр шүхрээрээ бууж, дараа нь газрын ажилтнууд багийнхныг капсулаас гарч ирэхэд туслаж байв.

2015 онд "Севастополийн төлөөх тулаан" кинонд тоглосноороо алдартай жүжигчин Пересильд ОУСС-ийг орхисондоо харамсаж байгаагаа илэрхийлжээ.

37 настай жүжигчин газардсаныхаа дараа Оросын нэгдүгээр сувагт өгсөн ярилцлагадаа "Өнөөдөр би жаахан гунигтай байна. Энэ 12 хоног гэдэг маш урт хугацаа юм шиг санагдаж байсан ч бүх зүйл дуусахад би салах ёс гүйцэтгэхийг хүсээгүй юм" гэж тэр хэлэв.

Өнгөрсөн долоо хоногт АНУ-ын 90 настай жүжигчин Уильям Шатнер-"Оддын зам"-ын алдарт ахмад Жеймс Кирк тэрбумтан Жефф Безосын Blue Origin компанийн нисгэсэн пуужинд суусан хамгийн өндөр настай хүн болжээ.

Пересилд, Шипенко нарыг Москвагийн захад оросын сансрын хөтөлбөрийн төв болох Оросын Од хотруу илгээсэн бөгөөд нислэгийн дараах сэргээн босголтын хугацаа нь долоо хоног орчим болно гэж Роскосмос мэдээлэв.

Эх сурвалж: voanews