/2021.10.18/ УИХ дахь АН-ын бүлэг өнөөдөр ээлжит хуралдаанаа хийлээ. Бүлгийн хуралдаанаар УИХ-ын гишүүн Д.Ганбатыг АН-ын бүлгийн даргын үүрэгт ажлаас чөлөөлөх шийдвэр гаргасан байна.

Энэ талаар О.Цогтгэрэл, "Ж.Батсуурь, Н.Ганибал нарыг хэд хэдэн удаа намаас хөөх мэдээлэл гарлаа. Энэ бүх зүйл арваннэгдүгээр сарын 5-нд болох АН-ын "Эв нэгдлийн их хурал"-ыг хийлгэхгүй байх зохион байгуулалттай үйл ажиллагаа юм. Үүнд АН-ын бүлгийн дарга байсан Д.Ганбат гар хөл нь болж байсанд харамсаж байна. " гэв.

"Д.Ганбат гэдэг хүнийг АН-аас хөөгөөгүй. Бүлгийн даргаас нь чөлөөлсөн" гэж УИХ-ын гишүүн Н.Ганибал хэллээ

Ингэснээр УИХ дахь АН-ын бүлгийн даргын ажлыг бүлгийн дэд дарга, УИХ-ын гишүүн Н.Ганибалд хариуцуулах шийдвэр гаргажээ.

Сануулахад АН-ын бүлгийн дарга Д.Ганбат өнөөдөр мэдээлэл хийж Ж.Батсуурь, Н.Ганибал нарыг намаасаа хөөгөөд байсан юм.