/2021.10.18/УИХ дахь Ардчилсан намын бүлгийн дарга Д.Ганбат цаг үеийн асуудлаар мэдээлэл хийлээ.

Тэрээр "Н.Ганибал, Ж.Батсуурь нар нь намын эсрэг удаа дараа үйлдэл гаргасан тул намын гишүүнээс дөрвөн жилээр хасах сахилгын шийтгэл оногдууллаа. Ингэснээр АН-ын бүлэг өнөөдрөөс 8 гишүүнтэй боллоо.

Намаас хасах шийдвэрийг Үндсэн дүрмийн хорооноос гаргаж намын удирдлага баталсан" гэв.

Мөн тэрбээр, "Нөхөн сонгуулийн нэмэлт санал хураалт явагдаж дууслаа. УИХ-ын нөхөн сонгуулийн ирц 50-аас дээш ирцтэй байж хүчин төгөлдөр болдог. Гэтэл энэ удаагийн хоёр тойргийн нөхөн сонгуулийн ирц хүрээгүй. Үүн дээр эрх баригчид дүгнэлт хийх хэрэгтэй. Ард түмнийг өлсгөлөн байлгаж, халамжаар асуудлыг шийдсээр ирсэн. Ард түмэн дургүйцэж байна" гэлээ.