/2021.9.14, ОХУ/ ОХУ-ын Ерөнхийлөгч Владимир Путины ойр тойрны хүмүүс коронавирүсийн халдвар авсан тул тэрээр өөрийгөө тусгаарлалтад оруулсан талаар Кремлийн хэвлэлийн албанаас мэдээлжээ.
Тусгаарлалтад байх хугацаандаа В.Путин Тажикистаны Ерөнхийлөгчтэй утсаар ярьсан байна. Тусгаарлалтын хугацаа харин ямар байх талаарх мэдээлэл одоогоор тодорхойгүй.
Тусгарлаалтад орохынхоо өмнөх өдөр тэрээр Токио2020 наадмын паралимпын тамирчдыг хүлээн авч уулзах үеэрээ орчин тойрных нь хүмүүс коронавирүсийн халдвар авч байгаа талаар, үүнд ихээхэн санаа нь зовинож буй талаараа ярьжээ. Мөн чухам юу болоод байгааг тодруулж, шийдвэрлэх арга замыг олох болно гэсэн байна.
Оросын Ерөнхийлөгч СпутникV вакцинд өнгөрөгч хавар хамрагджээ. Вакцин тариулсны дараа түүний биеийн өвчин эсэргүүцэх чадвар сайжирсан хэмээн мэдээлж байв.
Хэдийгээр В.Путин тусгаарлалтад орсон ч энэ нь Ерөнхийлөгчийн ажилд огтхон ч нөлөөлөхгүй хэмээн хэвлэлийн төлөөлөгч нь мэдэгдлээ.
Эх сурвалж: Риа Новости
