/2023.04.14/: Сонгинохайрхан дүүргийн цагдаагийн III хэлтсийн алба хаагчид 2023 оны дөрөвдүгээр сарын 11-ний өдөр тус дүүргийн 13 дугаар хорооны нутаг дэвсгэрт эргүүлийн үүрэг гүйцэтгэх үедээ хулгайлах гэмт хэрэг үйлдсэн этгээдийг саатуулжээ
Уг этгээд нь энэ оны дөрөвдүгээр сарын 05-ны өдөр хорих ангиас суллагдсан 27 настай, эрэгтэй “Ч” гэгч бөгөөд дөрөвдүгээр сарын 11-ний өдөр Чингэлтэй дүүргийн нутаг дэвсгэрт байрлах айлуудад хууль бусаар нэвтэрч үнэт эдлэл, гар утас зэрэг эд зүйлс хулгайлж дахин гэмт хэрэг үйлдсэнийг цагдаагийн алба хаагчид шуурхай илрүүлсэн байна.
