/2023.04.14/: Монгол Улс, Их Британи, Умард Ирландын Нэгдсэн Хаант Улстай дипломат харилцаа тогтоосны 60 жилийн ойн хүрээнд “Нэгэн жарны түншлэл” уриан дор “Флоренс Найтингейл”-ийн нэрэмжит инфографикийн уралдааныг зарлаж байна.
Флоренс Найтингейл гэж хэн бэ? Тэрбээр 1853-1856 онд үргэлжилсэн Кремийн дайны үед шархадсан цэргүүдэд тусламж үзүүлж, сувилагчаар ажиллаж байхдаа цэргүүд юунаас болж нас барж байгаа талаар инфографик бэлтгэжээ.
Түүний бэлтгэсэн инфографик дахь мэдээлэл нь тухайн үеийн эрх баригчдын бодлого, шийдвэр гаргалтад нөлөө үзүүлж, олон хүнийг амь эрсдэх аюулаас аварч чадсан түүхтэй. Тиймээс түүнийг “Орчин цагийн инфографикийг үндэслэгч” хэмээн нэрлэдэг.
Үндэсний Статистикийн Хороо, Британийн Элчин Сайдын Яамтай хамтран 2 дахь жилдээ энэхүү инфографикийн уралдааныг зарлаж байна.
Уралдааны зорилго: Статистикийн тоон мэдээлэл болон өгөгдлийн дүрслэлийг хөгжүүлэх замаар статистикийн мэдээллийн хэрэглээ, ашиглалтыг нэмэгдүүлэх
Оролцогч: Хүн бүрд нээлттэй байх бөгөөд оролцогчид нь Монгол Улсын Үндэсний Статистикийн Хороо болон Их Британи, Умард Ирландын Нэгдсэн Хаант Улсын Үндэсний Статистикийн Газрын цахим хуудсыг ашиглан ач холбогдол бүхий инфографик бэлтгэх
Сэдэв, агуулга: Монгол Улс, Их Британи, Умард Ирландын Нэгдсэн Хаант Улсын хамтын ажиллагаатай холбоотой инфографик болон нийгэмд тулгамдаж буй асуудлыг хөндсөн, ач холбогдол бүхий инфографикийг дараах агуулгын хүрээнд бэлтгэнэ. Үүнд:
- Монгол, Их Британийн хамтын ажиллагаа, олон улсын түвшний харьцуулалт бүхий мэдээлэл
- Хөдөлмөрийн статистикийн мэдээлэл
- Байгаль орчин, эдийн засгийн тоон мэдээлэл
- Хүүхдийн эрх, хүүхэд хамгааллын тоон мэдээлэл
- Аялал жуулчлалын статистик мэдээлэл
- Эрүүл мэнд, өвчлөлийн статистик мэдээлэл
Мэдээллийн эх үүсвэр:
Үндэсний Статистикийн Хорооны Статистикийн мэдээллийн нэгдсэн сан (www.1212.mn)
Их Британи, Умард Ирландын Нэгдсэн Хаант Улсын Үндэсний Статистикийн Газрын цахим хуудас (www.ons.gov.uk/)
Уралдаан зарлах хугацаа: 2023 оны 04 дүгээр сарын 14
Материал ирүүлэх хугацаа: 2023 оны 05 дугаар сарын 01-ний өдрийг хүртэл
Инфографик бүхий постерыг хэрхэн илгээх вэ?
Оролцогч нь бэлтгэсэн инфографик болон ажлын файлаа [email protected] цахим шуудан руу заасан хугацаанд ирүүлнэ.
Шалгаруулалтын журам:
I шат: Уралдаанд ирүүлсэн бүтээлүүдийг эхний байдлаар Үндэсний Статистикийн Хороо болон Британийн Элчин Сайдын Яамтай хамтарсан баг шүүж, шилдэг 10 бүтээлийг сонгоно.
II шат: Шалгарсан 10 бүтээлийг 2023 оны 5 дугаар сарын 03-наас 10-ны өдрүүдэд “Үндэсний Статистикийн Хороо” фэйсбүүк хуудаст байршуулж, хамгийн өндөр оноо авсан байдлаар эрэмбэлж, ялагчийг тодруулна.
Уралдааны 2 дахь шатанд шалгарсан оролцогчдын бүтээлээр 2023 оны 6 дугаар сард зохион байгуулах “Үндэсний дата” чуулганд үзэсгэлэн гаргаж, нийтэд сурталчилна.
Эхний 3 байранд шалгарсан оролцогчдыг “Үндэсний дата” чуулганы арга хэмжээнд оролцох урилга олгоно.
Тэргүүн байранд шалгарсан оролцогчид тус чуулганд “Өгөгдлийн дүрслэл” сэдвээр илтгэл тавьж оролцох боломжоор хангана.
Оноо: 1 like – 1 оноо, 1 share – 1 оноо
Шагнал гардуулах өдөр: 2023 оны 05 дугаар сарын 12
Уралдааны шагнал:
I байр (1 хүн) Өргөмжлөл, 800 000 төгрөг
II байр (1 хүн) Өргөмжлөл, 500 000 төгрөг
III байр (2 хүн) Өргөмжлөл, 300 000 төгрөг
Эх сурвалж: ҮСХ
