/2023.03.10/: Монгол Улсын уул уурхайн салбарын хөрөнгө оруулагч компаниудад санхүүгийн үйлчилгээ үзүүлэгч томоохон банкуудын нэг EDC банк нь манай төслүүдэд 1 тэрбум орчим долларын хөрөнгө оруулалт хийсэн нь бусад хөрөнгө оруулагч банкуудаас дээгүүрт ордог байна.

Сүүлийн жилүүдэд тус банк манай улсыг "хөрөнгө оруулалтын эрсдэл бүхий" хэмээн дүгнэсэн. Энэ асуудлаар Уул уурхай, хүнд үйлдвэрийн сайд Ж.Ганбаатар тус банкны төлөөлөлтэй уулзаж ярилцан, салбарын талаар мэдээлэл өгсний үр дүнд дээрх үнэлгээг дээшлүүлэхээр боллоо.

Канад Улсын төрийн өмчийн оролцоот EDC Bank-ны эрсдэлийн үнэлгээг бусад олон улсын банкууд шууд авч ашигладаг тул тус банк манай улсын үнэлгээг эерэгээр өөрчлөх нь манай уул уурхайн төслүүдэд төдийгүй, эдийн засагт чухал ач холбогдолтой юм.

Эх сурвалж: УУХҮЯ