/2023.02.16/ "Их бит" ХХК-ийн хувьцаа эзэмшигч О.Мөнхжинг 30 хоногийн хугацаатай цагдан хорихоор болсон. Харин эл цагдан хорих шийдвэрийг О.Мөнхжин эсэргүүцэж шүүхэд гомдол гаргасан байна.
Улмаар түүний гомдлыг хэлэлцэх шүүх хурал өнөөдөр 13.30 цагт Сүхбаатар дүүргийн Эрүүгийн хэргийн анхан шатны шүүхэд товлогдоод байсан ч хойшлогджээ. Түүнчлэн хугацааг жич товлохоор болсон байна.
Учир нь Сүхбаатар дүүргийн эрүүгийн хэргийн анхан шатны шүүхийн ерөнхий шүүгч Ж.Болдбаатар өнөөдөр Хөгжлийн Банканд холбогдох хэргийн шүүхийн урьдчилсан хэлэлцүүлгийн хуралдааныг даргалж байгаа юм.
