/2023.02.06/: Өнөөдөр өглөө Турк, Сирид хүчтэй газар хөдлөлт болсны улмаас одоогийн байдлаар нийт 500 гаруй хүн амь үрэгдээд байна.

Турк улсад манай улсын 6 мянга орчим иргэн ажиллаж амьдарч байгаа. Тэгвэл тухайн иргэдийн эрүүл мэнд, амь насанд аюул учирсан эсэхийг Гадаад харилцааны яамнаас тодруулахад, "Газар хөдлөлт манай иргэд цөөн тоогоор зорчдог бүс нутагт болсон, одоогоор манай иргэд өртсөн гэх мэдээлэл байхгүй. Монгол иргэд газар хөдлөлтөд өртсөн эсэхийг туркийн холбогдох байгууллагаас тодруулахаар Анкара дахь ЭСЯ үргэлжлүүлэн ажиллаж байна" гэлээ.