/2023.01.23/ Ардчилсан намын дарга С.Эрдэнэ, УИХ-ын гишүүн Д.Ганбат нар хууль ёсны намын даргын сунгааг зарлах болсон талаар мэдээлэл хийлээ.
Ардчилсан намын дарга С.Эрдэнэ:
-АН-ын дотоод үйл ажиллагаатай холбоотой иргэдийн анхаарлыг татсан нэлээд асуудал болж өнгөрлөө. АН-ын нэрийг барьж УИХ-ын гишүүн болсон зарим гишүүд өргөсөн тангаргаасаа няцсанд бид харамсаж байна. Аль нэг намын нэр дээр сонгогдсон УИХ-ын гишүүн тухайн намын зорилго, мөрийн хөтөлбөрийг хэрэгжүүлэхийн төлөө ажиллах ёстой байдаг.
Өчигдөр АН-ын даргын зөвлөл хуралдаж, АН-ын даргын сунгааг зохион байгуулах тушаалыг гаргасан. Мөн манай Үндэсний бодлогын хороо хуралдаж, энэ тогтоолыг санал нэгтэй баталсан байгаа. Ингэснээр АН-ын даргын сонгуулийн сунгаа албан ёсоор эхэлж байна.
Өмнө нь болсон даргын сонгууль бол дүрмийн бус, дотоод сонгуулийн хууль журам зөрчсөн. Ямар ч хууль эрх зүйн ойлголтгүй нөхдийн үйл ажиллагаа болсон гэлээ.
