/2023.01.06/: Өчигдөр УБТЗ-ын нэгэн албан тушаалтны гэрт нэгжлиэг хийж их хэмжээний мөнгө хураан авсан тухай мэдээллүүд гарсаар байна.
Тэгвэл энэ тухай ХЗДХ-ийн сайд Х.Нямбаатар өөрийн цахим хуудсандаа нийтэлжээ. Тэрээр:
"Эрүүгийн цагдаагийн газраас урьд шөнө хойшлуулшгүй ажиллагаа явуулж, УБТЗ-ын албан тушаалтны гэр болон хамаарал бүхий этгээдүүдийн гэрт нэгжлэг хийж бэлэн 7.3 тэрбум төгрөг, 4 тэрбумаар үнэлэгдэх үл хөдлөх хөрөнгийн гэрчилгээ хураан авсан.
Үндэслэлгүйгээр хөрөнгөжсөн төрийн албан хаагчид оногдуулах ялын бодлогыг чангатгаж, хууль бус хөрөнгийг хурааж улсын орлого болгоно" гэжээ.
