Арваад жилийн турш дижитал соёлд нөлөөлсөн "DOGE" мемийн бэлгэ тэмдэг болсон интернетэд алдартай нохой болох Кабосу цусны хорт хавдар, элэгний хүнд өвчтэй болжээ.
17 настай Шиба Ину Христийн Мэндэлсний Баярын өмнөх өдрөөс авхуулан хоол ч идэж чадхаа больсон бөгөөд цочмог холангиогепатит, архаг лимфомын лейкеми өвчтэй гэж оношлогджээ.
Анх 2010 онд Кабосугийн сарвуугаа зөрүүлсэн байдалтай авхуулсан зураг нь Reddit, Tumblr, 4Chan сайтуудаар тархаж эхэлснээр интернетийн хамгийн алдартай амьтдын нэг болсон юм. Удалгүй интернет хэрэглэгчид Кабосугийн царайг нарийн боов, дурсгалт газрууд болон бусад амьтадтай хамт байгаагаар фотошоп хийж эхэлсэн юм.
2013 оны 12 дугаар сард хоёр программист биткойны эсрэг Dogecoin хэмээх криптовалютыг нэвтрүүлснээр "doge" меме нь криптовалют сонирхогчдын дунд дүрээ мөнхөлсөн юм. Энэ нь криптовалютын анхны "меме зоос" буюу хошигнол маягийн зоос болсон гэж тооцогддог.
Dogecoin-ы хамгийн том шүтэн бишрэгчдийн нэг нь Элон Маск бөгөөд тэрээр Английн Уотфорд хөлбөмбөгийн клубыг ивээн тэтгэдэг учир багийн өмсгөлийн ханцуйн дээр Кабосугийн царай бүхий меме байдаг аж.
Эх сурвалж: CNN
