/2022.12.27/ Шүүхийн ерөнхий зөвлөлийн энэ сарын 26-ны өдрийн хуралдаанаар шүүгчийн сонгон шалгаруулалтад нэр дэвшигчдийг бүртгэж, хууль зүйн мэдлэг чадварын шалгалтын хуваарийг баталсан байна.

Анхан болон давж заалдах шатны шүүхийн шүүгчийн сул орон тоонд давхардсан тоогоор 125 нэр дэвшигч бүртгүүлжээ.

Улмаар анхан шатны шүүхийн шүүгчид нэр дэвшигчдээс авах хууль зүйн мэдлэг чадварын шалгалтыг 2023 оны нэгдүгээр сарын 03-09-ний өдрийн хооронд зохион байгуулахаар болсон байна. Харин давж заалдах шатны шүүхийн шүүгчид нэр дэвшигчдийн хууль зүйн мэдлэг чадварын шалгалтыг нэгдүгээр сарын 10, 11-ний өдрүүдэд зохион байгуулах ажээ.

Анхан болон давж заалдах шатны шүүхийн шүүгчийн сонгон шалгаруулалтад бүртгэгдсэн нэр дэвшигчидтэй ЭНД ДАРЖ танилцана уу.