/2022.12.19/ Хууль зүй, дотоод хэргийн сайд Х.Нямбаатар талбайд болж буй жагсаалтай холбоотойгоор мэдээлэл өглөө.

Тэрээр:

-Экс Ерөнхийлөгч Х.Баттулгад эрүүгийн хэрэг үүсгэж, яллагдагчаар татагдсан тогтоол батлагдсан. Эрүүгийн хэрэг үүсгэсний дараа мөрдөгч хойшлуулшгүйгээр таслан сэргийлэх арга хэмжээ авна. Ингэхдээ тухайн хүний хувийн байдлыг харж байж тохирсон арга хэмжээг авдаг. Оргон зайлах, дахин гэмт хэрэг үйлдэж болзошгүй тохиолдолд цагдан хорих, таслан сэргийлэх арга хэмжээ авна. Үүнээс гадна хувийн батлан даалтад авч болдог. Мөн гадагшаа гарахгүй баталгаа гаргуулж болно.

Миний ойлгосноор мань хүн энэ сарын 18-ны өдөр Сөүл чиглэлд нисэхийнхээ өмнө хувийн баталгаа гаргуулаад, эмчлүүлэх шаардлагатай байгаа эрүүл мэндийн бичиг баримтуудаа нотлоод явсан юм байна лээ гэв.