/2022.11.04/: Соёлын бүтээлч сарын ирэх 7 хоногийн онцлох арга хэмжээ болох “Язгуурын таван шүтээн" тусгай үзэсгэлэнд та бүхнийг урьж байна.

Өндөр гэгээн Занабазар Очирт хөлгөний ёсны язгуурын таван бурхан буюу Үл хөдлөгч, Эрдэнэ үүсгэгч, Цаглашгүй гэрэлт, Үйл бүтээгч, Машид гийгүүлэн зохиогч тэргүүтнийг гэгээн, ариун, сэтгэл татам, хүмүүний ертөнцийг нигүүлсэнгүйгээр ширтэж буй дүр дүрслэлтэй бүтээсэн нь бурхан урлалын түвшнийг урьд өмнө байгаагүй өндөрт хүргэсэн тухай судлаачид тэмдэглэсэн байдаг.

Монголчуудын урлахуй ухааны дээж болсон энэхүү бурхдыг анх удаа нэг газар оршоосон үзэсгэлэн Г.Занабазарын нэрэмжит Дүрслэх урлагийн музейд зохион байгуулагдана.

Нээлт: 2022.11.08-ны 11:00 цагаас
Үзэсгэлэн: 2022.11.06-2022.11.14-ний өдөр 10:00-18:00 цагаас