/2022.10.10/: Дэлхий дахинаа жил бүрийн 10 сарын 10-ны өдрийг Сэтгэцийн эрүүл мэндийн өдөр болгон тэмдэглэн өнгөрүүлдэг.

Энэ жил тус өдрийг “Сэтгэцийн эрүүл мэнд, сайн сайхан байдлыг дэлхийн нийтийн тэргүүлэх чиглэл болгоцгооё” уриан дор өнгөрүүлэхээр болжээ.

Хүн бүр бие махбодийн хувьд эрүүл байхаас гадна сэтгэл санааны хувьд ч мөн эрүүл байх нь маш чухал. Тэгвэл ЭМДҮЗ-ийн 2022 оны 01-р тогтоолын хүрээнд сэтгэцийн эрүүл мэндийн бүх төрлийн тусламж, үйлчилгээний зардалын төлбөрийг ЭМД-ын сангаас 100 хувь хариуцана.

Үүнд:

- Амбулаторын үзлэг, оношилгоо

- Хэвтүүлэн эмчлэх тусламж, үйлчилгээ

- Өдрийн эмчилгээ

- Эмийн эмчилгээ багтана.

- Иргэн та даатгалаа тасралтгүй төлснөөр харьяа өрх, сум, дүүргийн болон улсын эмнэлэгүүдээс сэтгэцийн эрүүл мэндийн дээрх тусламж, үйлчилгээг авах бүрэн боломжтой.

Эх сурвалж: Эрүүл мэндийн даатгалын ерөнхий газар

Б.Баянзаяа