/2022.09.30/ Гадаадын иргэний эрх зүйн байдлын тухай хуулийн 19 дүгээр зүйлийн 19.2, Засгийн газрын 2021 оны 192 дугаар тогтоолоор батлагдсан “Монгол Улсын виз олгох журам”-ын дагуу Монгол Улс ОХУ-тай иргэд хооронд 30 хоног харилцсан визгүй зорчих хэлэлцээртэй.

Гэвч цэргийн дайчилгаатай холбоотойгоор ОХУ-ын иргэд манай улсын хилээр ихээр нэвтэрч, улмаар тус улсын иргэдэд урт хугацааны виз олгохоор болсон мэдээлэл цахим орчинд нийтлэгдэж байгаа юм.

Энэ талаар бид Гадаадын иргэн харьяатын газраас тодруулахад, "ОХУ-ын иргэд Монгол Улсад оршин суух хүсэлтэй байна гэсэн баримт бичгээ бүрдүүлэн өгсөн тохиолдолд оршин суух, хөдөлмөр эрхлэх, суралцах нөхцөл боломжоор нь хангана. Өөрөөр хэлбэл, дээрх иргэд 1 жил хүртэлх хугацаагаар сурах эсвэл 3 сар хүртэлх хугацаагаар ажил хөдөлмөр эрхлэх тохиолдолд хүсэлтийг нь харгалзан үзэж виз олгоно гэсэн үг юм. Гадаадын иргэд Монгол Улсад хамгийн дээд тал нь 3 жил хүртэлх хугацаагаар виз мэдүүлэх боломжтой байдаг" гэлээ.

ОХУ-ын оршин суух хугацаагаа сунгуулсан иргэдийн мэдээллийг дор хавсаргав.