/2022.08.11/ Хойд Солонгосын удирдагч Ким Жон Ун "ковид-19" халдварыг ялснаа зарлаж, тавдугаар сард авсан хариу арга хэмжээнүүдээ бүрэн цуцалсан гэдгээ мэдэгджээ.

Хойд Солонгост коронавируст халдварын хэдэн тохиолдол бүртгэгдсэн нь тодорхойгүй байгаа ч өнгөрсөн сарын буюу долоодугаар сарын 29-нөөс хойш халдварын сэжигтэй тохиолдол шинээр бүртгэгдээгүй байна.

Тус улсад ковид-19 халдвараар нас барсан хүний тоо албан ёсоор 74 бүртгэгдсэн байна. Гэхдээ эрүүл мэндийн тогтолцоо муу, вакцины талаар тодорхой мэдээлэл байхгүй байгаа учраас Дэлхийн эрүүл мэндийн байгууллага БНАСАУ-ын гаргасан мэдээлэлд эргэлзэж байгаа аж.

Эх сурвалж: CNN