/2025.7.2/ Монгол Улсын 3х3 сагсан бөмбөгийн эмэгтэй шигшээ баг ДАШТ-нд мөнгөн медаль хүртсэн билээ.
Тэгвэл өнөөдөр Ерөнхийлөгч У.Хүрэлсүх багийн тамирчдад Монгол Улсын Гавъяат тамирчин цолыг гардуулж, баяр хүргэлээ.
У.Хүрэлсүх "Монголчууд атгасан гар шиг эв эетэй байхдаа бахдам түүх бүтээж чаддагийг энэ торгон мөчүүд яруу тодоор батлан харуулж байна. Аугаа амжилт ялалтыг бүтээсэн баг, хамт олон Та бүхнийг монгол төр үнэлэх болно" хэмээн мөнгөн медаль хүртсэн даруйд өөрийн хуудаснаа бичиж байв.
Сагсны багийн тамирчид нь М.Цэрэнлхам, О.Хулан, Б.Ариунцэцэг, Н.Нандинхүсэл нар бөгөөд Н.Нандинхүсэл нь монголын түүхэн дэх хамгийн залуу эмэгтэй гавъяат тамирчин болжээ. Тэрбээр энэ жил 18 настай юм.
