/2024.05.09/: Сөүл хотод 1 сая доллараас дээш хөрөнгөтэй 80,000 гаруй иргэн байдаг нь саятнуудын тоогоор дэлхийд 19-р байранд ордог болохыг сүүлийн үеийн судалгаагаар тогтоожээ.

Хөрөнгө оруулалтын цагаачлалын зөвлөх Henry & Partners-ийн дэлхийн мэдээллийн тагнуулын New World Wealth фирмтэй хамтран гаргасан "2024 оны дэлхийн хамгийн баян хотууд" тайланд дурдсанаар 2023 оны арванхоёрдугаар сарын байдлаар Сөүл хотын 82,500 орчим оршин суугч нэг сая доллараас дээш хөрөнгөтэй байна.

Саятан оршин суугчдын жагсаалтын 19-р байранд Сөүл орсон бол, Техас мужийн Хьюстон хот 90,900, Цюрих хот 88,400 хүн амтайгаар тус хотын өмнө бичигджээ. Женев болон Дубай тус тус 79,800, 72,500-аар удаалсан байна.

Үүнээс гадна Сөүл хотод 195 иргэн 100 сая доллараас дээш хөрөнгөтэй, 20 оршин суугч нэг тэрбум доллараас дээш хөрөнгөтэй байгаа аж. Сөүл дэх тэрбумтнуудын тоо Токиогоос ч их байна.

Гэсэн хэдий ч Сөүл дэх саятнуудын тоо нэг жилийн дотор 10,000 гаруйгаар буурсан бөгөөд өнгөрсөн оны тайланд 97,000 байжээ. Мөн 100 сая доллараас дээш хөрөнгөтэй оршин суугчдын тоо 229, 1 тэрбум доллар байсан бол 24 байсан гэв.

Мэдээлэлд ийнхүү буурсан шалтгааныг тодорхой заагаагүй ч Өмнөд Солонгосын хөрөнгийн зах зээл сул үзүүлэлт үзүүлж, үл хөдлөх хөрөнгийн зах зээл удаан хугацаанд уналтад орсон нь нөлөөлсөн байж болзошгүй юм.

Уг тайланд Нью-Йорк хот 1 сая доллараас дээш хөрөнгөтэй 349,500 оршин суугчтай саятнуудын жагсаалтыг тэргүүлсэн бол Калифорнийн Бэй Аэриа, Сан Франциско, Цахиурын хөндийд 305,700 саятан, Токио 298,300, Сингапур 244,8002, Лондонд 244,800 саятан орсон байна.

Эх сурвалж: KoreaHerald