Төсвийн дунд хугацааны хүрээний мэдэгдлийг олон нийтэд анх удаа хэлэлцүүллээ
 

Төсвийн дунд хугацааны хүрээний мэдэгдлийг олон нийтэд анх удаа хэлэлцүүллээ

/2024.04.01/: Улсын Их Хурлын Төсвийн байнгын хорооны дарга Г.Тэмүүлэн тэргүүтэй 32 гишүүн санаачлан Улсын Их Хурлаар 2023 оны долоодугаар сарын 07-ны өдөр хэлэлцэн баталсан Төсвийн шинэчлэлийн эхний шатны хуулийн өөрчлөлт амжилттай хэрэгжиж, Төсвийн дунд хугацааны хүрээний мэдэгдлийг олон нийтэд анх удаа хэлэлцүүллээ.

Дунд хугацааны төсвийн төлөвлөлтийг Монгол Улсын хөгжлийн бодлоготой уялдуулах зорилгоор Эдийн засаг, хөгжлийн яам Төсвийн хүрээний мэдэгдлийг боловсруулж, олон нийтээр хэлэлцүүлэн Улсын Их хуралд өргөн мэдүүлэхээр хууль батлагдсан.

Улсын Их Хурлын гишүүн, Шадар сайд бөгөөд Эдийн засаг, хөгжлийн сайд Ч.Хүрэлбаатар өнөөдрийн хэлэлцүүлгийг нээж хэлсэн үгэндээ, Монгол Улсын эдийн засгийн бодит өсөлтийг 6 хувиас бууруулахгүйгээр 5-10 жил тогтвортой хадгалах, Монгол Улсын Засгийн газрын өрийн хэмжээг 40 хувьд хүргэх, гадаад валютын албан нөөцийг 10 тэрбум долларт хүргэх зорилгоор холбогдох арга хэмжээг авч хэрэгжүүлж байгааг цохон тэмдэглэв.

Төсвийн хүрээний мэдэгдлийн төслийг боловсруулах олон нийтийн хэлэлцүүлэгт Улсын Их Хурлын Тамгын газар, Стратеги судалгааны хүрээлэн, Эдийн засаг, хөгжлийн яам, Сангийн яам, Нэгдсэн Үндэстний Байгууллагын Хөгжлийн хөтөлбөр зэрэг олон улсын байгууллагууд, мэргэжлийн судлаач эрдэмтдийн төлөөлөл оролцож, байр сууриа илэрхийлэв.

Төсвийн хуулийн шинэчлэлийн хүрээнд шинээр зохион байгуулагдсан Төсвийн тогтвортой байдлын зөвлөл дунд хугацаанд баримтлах макро эдийн засгийн болон Төсвийн тогтвортой байдлын тухай хуулийн тусгай шалгуур, Монгол Улсад үүсэж болзошгүй гадаад, дотоод орчны эрсдэлийн талаар өөрсдийн боловсруулсан загвар, эдийн засгийн үндсэн үзүүлэлтийн талаар танилцууллаа.

Мөн илтгэлүүдийн хүрээнд хэлэлцүүлэг өрнөж, мэргэжлийн судлаач, эрдэмтэд асуулт асууж, санал бодлоо чөлөөтэй илэрхийлэв.

Эх сурвалж: УИХ

Орон нутагт 300 мянган орон сууц барина
Орон нутагт 300 мянган орон сууц барина
 
Монгол, Канад улсын батлан хамгаалахын зөвлөлдөх уулзалт болов
Монгол, Канад улсын батлан хамгаалахын зөвлөлдөх уулзалт болов
Сэтгэгдэл (0)
Анхаар!
Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Мэдээний сэтгэгдлийн хэсгийг mpress.mn сайт хариуцах тул, ёс бус сэтгэгдлийг админ устгах эрхтэй.