/2024.02.20/: Эмэгтэй хүүхдүүд нийлж нэгнийгээ хэрцгийгээр зодож, биед нь халдаж байгаа бичлэг цахим орчинд тархаж иргэдийн эгдүүцлийг ихээр төрүүлээд байгаа.

Тэгвэл энэ асуудлаар ямар арга хэмжээ авч байгаа талаар цагдаагийн байгууллагаас тодруулахад "Тухайн хэргийг Баянгол дүүргийн цагдаагийн газрын хоёрдугаар хэлтэст гомдол мэдээллийн бүртгэлд авч, шалгаж байгаа" гэв.

Өсвөр насны хүүхдүүдийн асуудал нь урьдчилсан байдлаар 2024 хоёрдугаар сарын 08-ны өдөр Баянгол дүүргийн 10-р хороо .... хотхонд болсон асуудал бөгөөд хохирогч охиныг үе тэнгийн 3-4 охид зодсон байж болзошгүй байгаа бөгөөд өчигдрөөс тус хэлтэст шалгалтын ажиллагааг эхлүүлжээ..

Иймд цагдаагийн байгууллагаас эцэг эх, асран хамгаалагч нарт хүүхдээ хаана, хэнтэй явж байна вэ, та хүүхдэдээ анхаарал халамж тавьж байна уу гэдгийг сайтар анхаарч байхыг анхаарууллаа.