/2024.02.08/: Украины агаарын довтолгооноос хамгаалах зэвсэгт хүчнийхэн лхагва гарагийн өглөө ОХУ-аас харвасан пуужин, нисгэгчгүй онгоцнуудын дөнгөж гуравны хоёрыг нь сөнөөж чадсан байна.

Украины Дотоод хэргийн сайд Игорь Клыменкогийн хэлснээр, тус улсын бүх бүс нутгууд маш өргөн цар хүрээтэй пуужингийн довтолгоонд өртсөн байна. Довтолгооны улмаас дөрвөн хүн амиа алдаж, 38 хүн шархадсан гэж эрх баригчид мэдээлсэн бөгөөд Киев, Львов, Харьков, Николайев, Днепропетровск мужуудад цохилт өгсөн байна.

Украины агаарын цэргийн хүчний мэдээллээс харахад Оросын армийн харвасан гурван “Искандер” баллистик пуужин, дөрвөн Kh-22 далавчит пуужин бүгд агаарын довтолгооноос зайлсхийж чадсан байна.

Хэдийгээр өмнө нь агаарын довтолгооноос хамгаалах систем Искандер пуужингуудыг устгаж байсан ч хоёр жилийн дайны хугацаанд Украин ганц ч KH-22-ыг зогсоож чадаагүй гэж үздэг.

Украин тодорхой амжилтанд хүрч, Оросын харвасан Х-101, Х-555, Х-55 төрлийн 29 пуужингийн 26-г, Калибр загварын гурван далавчит пуужин, 20 Шахед нисэгчгүй онгоцны 15-ыг устгасан байна.

Агаарын довтолгооноос хамгаалахын тулд пуужин, хуурай замын хүчин, электрон байлдааны систем зэрэг олон төрлийн арга хэрэгслийг ашигласан гэж Агаарын цэргийн хүчин мэдэгдэв.

Украины агаарын довтолгооноос хамгаалах хүчин өөрсдийн хүчин чадлаа шавхаж байна гэж Киевт төвтэй Разумковын төвийн олон улсын аюулгүй байдлын хөтөлбөрийн захирал Олексий Мельник мэдэгджээ.

Эх сурвалж: CNN