/2023.12.27/: Дугаарын хязгаарлалт хийж буй хугацаанд зарим уулзварууд дахь хөдөлгөөн зохион байгуулалтад өөрчлөлт оруулахаар төлөвлөн, судалгаа, тооцоолол хийж буй.

Тухайлбал, Их тойруугийн Өлзий төв болон Дөлгөөн нуурын уулзварт хэвтээ тэнхлэгийн хоёр зүүн эргэлтийг хязгаарлаж, баруун эргэлтээр зорчих хөдөлгөөнийг зохион байгуулахаар болжээ.

Ингэснээр уг хоёр уулзвараар 1 цагт нэвтэрдэг байсан автомашины тоо 28 хувиар нэмэгдэж уулзвар тус бүрт хугацааны хэмнэлт 40 сек болох аж.

Уг уулзваруудыг ийнхүү хязгаарлахын тулд 170 метр хязгаарлах хашлага тавих бөгөөд тэмдэг тэмдэглэгээ 6 ширхэгийг байрлуулах юм.