Өчигдөр орой Баянхошуу, Хайлааст, 5-н буудал орчимд агаарын чанарын индекс 500 давжээ
Шуурхай мэдээ
 
Энэ мэдээ хуучирсан буюу 2023/12/05-нд нийтлэгдсэн мэдээ болно.

Өчигдөр орой Баянхошуу, Хайлааст, 5-н буудал орчимд агаарын чанарын индекс 500 давжээ

/2023.12.05/: Дэлхийн хотуудын агаарын бохирдлыг заадаг air quality гэх мэдээллийн сайт байдаг.

Энэ сайтад зааснаар өчигдөр оройн 22 цагийн байдлаар Улаанбаатарын агаар Дэлхийн эрүүл мэндийн байгууллагаас гаргасан бохирдлын хүлцэх дээд хэмжээнээс 17 дахин өндөр байжээ. Өөрөөр хэлбэл, агаарын чанарын үзүүлэлт Баянхошуу, Хайлааст, 5-н буудал орчимд 500 хэмээн зааж буй юм.

Агаар бохирдуулагч бодисууд дотор хүний эрүүл мэндэд хамгийн их хортой РМ2,5 буюу нарийн ширхэгт тоосонцрын үзүүлэлт өндөр байна.

РМ2,5 ХҮНИЙ ЭРҮҮЛ МЭНДЭД ХЭРХЭН НӨЛӨӨЛДӨГ ВЭ?

Өнгөгүй, үнэргүй хий. Түлшин дэх нүүрстөрөгч бүрэн шатаагүй үед үүсдэг. Нүүрстөрөгчийн дутуу исэл уушгиар дамжиж, цусны урсгалд орж, эсэд хүчилтөрөгчийг зөөвөрлөдөг гемоглобинтой нэгдэн “Карбоксигемоглобин” гэдэг нэгдэл үүсгэдэг. Иймээс хүний бие махбоди, эдэд очих хүчилтөрөгчийн хэмжээг багасгадаг. Зүрх судасны өвчтэй хүмүүс, тухайлбал зүрхний бах өвчтэй хүмүүс хамгийн их эрсдэлтэй бөгөөд биеийн хүчний ажил хийж байгаа үед нүүрстөрөгчийн дутуу ислийн нөлөөлөлд өртвөл цээжээр өвдөх болон зүрх судасны талаас бусад шинж тэмдгүүд илэрдэг. Зүрх судас, амьсгалын замын архаг хууч өвчтэй (зүрхний титэм судасны өвчтэй, цус багадалттай, уушигны архаг бөглөрөө өвчтэй) хүмүүс, нярай хүүхдүүд нүүрстөрөгчийн дутуу исэлд илүү өртөмтгий байдаг.

АГААР.МН САЙТ ХЭРХЭН ЗААЖ БАЙНА ВЭ?

Харин 20 цагт хамгийн сүүлд шинэчлэгдсэн agaar.mn агаарын чанарыг илэрхийлэгч монголын сайтад агаарын чанар маш муу хэмээн харагдаж байна.

"Маш их бохирдолтой" хэмээн зааж байгаа газруудаар явж буй эрүүл мэндийн хувьд асуудалгүй хүн ч өвчлөх эрсдэл өндөр гэсэн үг юм.

ЯМАР АРГА ХЭМЖЭЭ АВАХ ВЭ?

Агаар ийм хэмжээний бохирдолтой байхад хүүхэд, хөгшид, жирэмсэн эмэгтэйчүүд, зүрх судасны өвчтэй хүмүүс онцгой анхааралтай байх хэрэгтэй.

Хүн бүр гадаа биеийн хүч шаардсан ямар ч төрлийн ажил хийхээс зайлсхийх гэртээ байх хэрэгтэй. Архаг хууч өвчтэй хүмүүс даралтаа тогтмол хянах, эмчийн хяналтад байж эмийг хугацаанд нь уух шаардлагатай. Нүүрстөрөгчийн дутуу исэл их хэмжээгээр гаргадаг эх үүсвэр (тухайлбал автозам)-ээс хол байх хэрэгтэй. Мөн амны хаалт зүүх.

Эх сурвалж: Agaar.mn

Өнөөдөр цас орж, цасан шуурга шуурна
Өнөөдөр цас орж, цасан шуурга шуурна
 
Т.Баярхүү: Хаваржилтын  эрсдэлийг бууруулах ажлыг улс төржүүлэхгүй байхыг  хүсэж байна
Т.Баярхүү: Хаваржилтын эрсдэлийг бууруулах ажлыг улс төржүүлэхгүй байхыг хүсэж байна
Энэ мэдээ хуучирсан буюу 2023/12/05-нд нийтлэгдсэн мэдээ болно.