/2023.11.30/: Ховд аймгийн Мянгад сумын иргэн Н нь 11 дүгээр сарын 25-ны өдрийн 06:00 цагийн орчим сумын Соёлын төвд уулзалтад орохоор гэрээсээ явганаар гараад сураггүй болсон тухай дуудлага 11 дүгээр сарын 8-ны өдөр Онцгой байдлын газарт иржээ.

Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчид сумын Цагдаагийн хэсгийн 2 алба хаагч, сумын мэргэжлийн ангийн 35 хүн, ар гэрийн 20 хүнтэй хамтран 11 дүгээр сарын 28-ны өдрийн 13:27 цагаас иргэн Н 63 настай, эрэгтэйг эрэн хайх ажиллагааг зохион байгуулсан байна.

Улмаар маргааш өдрийн 15:20 цагт сумын төвөөс хойд зүгт 1.5 км зайтай “Цагаан-Овооны дунд тохой” гэдэг газраас цогцсыг олж Цагдаагийн хэсэгт хүлээлгэн өгчээ.