/2023.11.06/: Газад үйл ажиллагаа явуулдаг үүрэн Операторуудын мэдээлснээр Палестины анклав Израил-ХАМАС-ын дайны улмаас гурав дахь удаагаа харилцаа холбоо тасарсан талаар мэдээллээ.
Paltel компани өөрийн харилцаа холбоо, сүлжээний үйлчилгээгээ нь "бүрэн тасалдсан" тухай Facebook-ээр мэдэгдэв.
Газын зурвас дахь Палестинчуудыг дэмжин ажилладаг НҮБ-ын гол агентлаг тус зурвас дахь багийнхаа ихэнх хэсэгтэй холбоогүй болсон гэж мэдэгдэв. Палестины Улаан хавирган сар нийгэмлэг мөн тус нутаг дахь тусламжийн ажилтнуудтай холбогдож чадахгүй байгаа аж.
Газад хийсэн Израилын довтолгоо: Ням гарагийн орой Израилын арми Газын зурваст томоохон цохилт өгч байна гэж мэдэгдлээ.
Израилын Батлан хамгаалах хүчний хэвлэлийн төлөөлөгч Даниел Хагари шөнийн цохилтын талаар дэлгэрэнгүй мэдээлэл өгөөгүй ч Хамасын дээд болон газар доорх дэд бүтцийг маш өргөн хүрээтэй, онилсон байна.
Ням гарагийн үүрээр Израйлын цэргийн хүчнийхэн ХАМАС-ын хүчийг бүсэлж, Газ дахь объектуудад цохилт өгөн цэргүүд эрэгт хүрсэн гэж мэдэгдлээ.
Блинкен Иракт айлчиллаа: АНУ-ын Төрийн нарийн бичгийн дарга Антони Блинкений Ойрхи Дорнод руу хийж буй дипломат айлчлал ням гарагт үргэлжилсэн бөгөөд Иракт урьдчилан мэдэгдэлгүй айлчиллаа.
Блинкен Иракийн Ерөнхий сайд Мохаммед Шиа аль-Суданитай Багдад хотод цаг гаруй уулзсан бөгөөд уулзалт үр дүнтэй болсон гэж мэдэгдэв.
Удирдагчид Газын зурвас дахь мөргөлдөөнийг бүс нутгийг бүхэлд нь хамрахгүй байх талаар ярилцсан гэж АНУ-ын тэргүүний дипломатч мэдэгдэв. Энэ нь Израилын дайснуудад ХАМАС-тай тулалдаж буйг далимдуулан олон фронтын дайн эхлүүлэхгүй байхыг уриалсан үйлдэл боллоо.
Блинкен баасан гарагт Израилд айлчилж, бямба гарагт Иорданд Арабын гол удирдагчидтай уулзсан. Тэрээр мөн ням гарагт Рамалла хотод Палестины эрх баригчдын ерөнхийлөгчтэй уулзсан юм
Тэрээр одоо Туркт ирээд байна.
Ливан-Израилын хил дээр хурцадмал байдал нэмэгдэж байна: Ням гарагт Израилын хойд хил дээр хурцадмал байдал үргэлжилсээр, Израил болон Ливаны талаас Израилын батлан хамгаалах хүчин болон Ираны дэмжлэгтэй Хезболлагийн хооронд үргэлжилж буй цохилтын улмаас энгийн иргэд амиа алдсан талаар мэдээлэв.
Хезболлагийн удирдагч Хассан Насралла аравдугаар сарын 7-ны өдөр ХАМАС-ын халдлага болон Газад өрнөж буй дайны талаар илтгэл тавьсан юм. Тэрээр хэлэхдээ, Хезболла "бүх хувилбарт бэлэн" байх болно, мөн Израилын арми хил дээр хурцадсан аливаа үйлдэл нь "түүхэн тэнэглэл" бөгөөд томоохон хариу арга хэмжээ авах болно. Гэхдээ "Хезболла"-ын "үндсэн зорилго" нь Газад гал зогсоох явдал юм гэжээ.
IDF ХАМАС-ыг иргэний дэд бүтцийг ашигласан гэж буруутгаж байна: Израилын цэргийнхэн Хамас бүлэглэлүүд эмнэлэг, хүүхдийн тоглоомын талбай зэрэг иргэний дэд бүтцийг Израил руу дайрахдаа бамбай болгон ашиглаж байгааг нотлох баримтыг дэлгэлээ. Цэргийн төлөөлөгчийн хэлснээр ХАМАС энгийн иргэдийн бүс нутгаас пуужин харвадаг байсныг зураг, дүрс бичлэг харуулж байна. Рамаллад төвтэй Палестины эрх баригчид болон Газа дахь ХАМАС-ын хяналтад байдаг засгийн газрын хэвлэл мэдээллийн албаны албаны хүмүүс уг мэдэгдлийг няцаасан байна.
Туркийн нисэх онгоцны буудалд эмх замбараагүй байдал үүслээ: Жагсагчид Туркийн өмнөд хэсэгт байрлах АНУ-ын Агаарын цэргийн хүчний цэргүүд байрлаж байсан агаарын бааз руу дайрч орохыг оролдсоны дараа Палестиныг дэмжсэн жагсаалыг Туркийн цагдаа нар тараасан гэж Туркийн төрийн мэдээллийн Anadolu агентлаг мэдээлэв.
Хүмүүнлэгийн тусламжийн сан өөрийн цахим хуудаснаа "Газын хэлмэгдэгсдийн дуу хоолойг нэмэгдүүлэх" зорилгоор энэхүү жагсаалыг зохион байгуулж, АНУ-ын баримталж буй Израилыг дэмжиж байгааг эсэргүүцэж байгаагаа илэрхийлсэн байна.
Зарим жагсагчид хаалтуудыг эвдэж, агаарын бааз руу нэвтрэхийг оролдсоны дараа цагдаа нар нулимс асгаруулагч хий, усан буу ашигласан гэж Анадолу нэмж хэлэв.
Газад барьцаалагдсан хүмүүс: ХАМАС бүлэглэлийн барьцаанд байгаа хүмүүсийн одоогийн тоо 240 байна гэж Израилын Батлан хамгаалах хүчний хэвлэлийн төлөөлөгч Хагари ням гарагт мэдэгдэв. Энэ тоо шинэчлэгдсэн тагнуулын мэдээлэлд үндэслэн хэлбэлзэж болно гэж IDF мэдэгдлээ.
Эх сурвалж: CNN
