/2022.08.09/ Өвөрхангай аймгийн Хархорин сум дахь ШШГЕГ-ын харьяа 423 дугаар ангид ял эдэлж байсан хоёр ялтан оргожээ. Тухайн хоригдлууд өчигдөр буюу энэ сарын 8-ны өдөр оргосон гэх мэдээлэл байгаа юм.
Энэ талаар ЦЕГ-ын хэвлэлийн төлөөлөгчөөс тодруулахад “Ийм мэдээлэл цагдаагийн байгууллагад бүртгэгдсэн байна. Одоогоор тухайн этгээдүүдийг эрэн хайх ажиллагаа үргэлжилж байгаа” гэсэн юм.
Иймд иргэд та бүхэн сонор сэрэмжтэй байж тухайн хоёр ялтанг харсан тохиолдолд цагдаагийн байгууллагад хандана уу.
