/2023.09.10/ Улс төрийн хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан Монгол Улсын Ерөнхий сайд Л.Оюун-Эрдэнэ болон Ерөнхийлөгчийн Тамгын газрын дарга Я.Содбаатар, УИХ-ын гишүүд, олон нийтийн байгууллагын төлөөлөл, хэлмэгдэгсдийн үр хүүхэд, ах дүү, төрөл төрөгсөд Хэлмэгдэгсдийн хөшөөнд цэцэг өргөж, хүндэтгэл үзүүллээ.
Ардчилсан намын удирдлагууд ч мөн энэ өдөр хэлмэгдэгсдийн хөшөөнд хүндэтгэл үзүүлэн цэцэг өргөлөө. Ардчиллын ололт, амжилт бахархлын нэг бол олон мянган монголчууд, хэлмэгдэгсдийг цагаатгасан үйл явдал юм гэж намын удирдлагууд хэллээ.
Монгол Улсын Их Хурлын 1996 оны 33 дугаар тогтоолоор жил бүрийн есдүгээр сарын 10-нд хэлмэгдэгсдийн гэгээн дурсгалыг хүндэтгэж байхаар тогтсон юм.
