/2023.07.30/ Монгол-Унгарын хамтарсан Азийн хүннүчүүд ба Европын Хүннүчүүдийн түүх, соёлын харилцаа, хамаарлын судалгаа” эрдэм шинжилгээний төслийн хүрээнд 2022 оны 8 дугаар сард Ар гүнтэд хийсэн археологийн малтлагаар илрүүлсэн “Хүннүгийн үеийн төмөр цутгамал тогоо”-г сэргээн засварлаж дууссан бөгөөд Унгар Улсын Угсаатны зүйн хүрээлэнгийн захирал Кашлер Миклош Элчин сайд С.Баатаржавт хүлээлгэн өгчээ. Унгарын эрдэмтэд, судлаач мэргэжилтнүүд 7 сарын хугацаанд “Хүннүгийн үеийн төмөр цутгамал тогоо”-г сэргээн засварласан. Энэхүү тогоог Монгол Улс руу буцаахаар бэлтгэж байна. Хүлээн авах ёслолын үеэр талууд хамтарсан хэвлэлийн бага хурал зохион байгуулж, сэтгүүлчдийн сонирхсон асуултанд хариулжээ. “Хүннүгийн үеийн төмөр цутгамал тогоо”-г сэргээн засварлах ажилд үнэтэй хувь нэмэр оруулсан эрдэмтэн, судлаач, мэргэжилтнүүд болон албаны бусад хүмүүст Монгол Улсаас Унгар улсад суугаа элчин сайдын яамны зүгээс талархал илэрхийлсэн байна.