/2023.05.17/: Монгол Улсын тусгаар тогтнолын бэлэг тэмдэг болсон олон мянган жилийн түүхт нүүдэлчдийн ахуй соёлыг эрт үеэс өнөө цаг хүртэл өвлөн тээж, үндэсний бахархал болсон дуу хуур, бүжиг наадам, ёс заншлаа дээдлэн ажиллаж буй үндэсний урлагийн төв болох Үндэсний Урлагийн Их Театр нь Монголд зочлох жилтэй холбогдуулан гадаад, дотоодын жуулчдад зориулсан МОНГОЛЫН САЙХАН ОРОН | BEAUTIFUL MONGOLIA тоглолтоо үзэгч түмэндээ өргөн толилуулахад бэлэн боллоо.
Энэ жилийн жуулчны улирлаар хамтран ажиллах тур оператор компаниудыг гэрээ үзэглэх албан ёсны арга хэмжээндээ урьж байна. Энэ үеэр тоглолтоо бүрэн эхээр тоглох юм.
Тоглолтын дараа албан ёсоор хамтран ажиллах гэрээ байгуулах үйл ажиллагааг зохион байгуулах тул гэрээ үзэглэх түвшний удирдах албан тушаалтнууд хүрэлцэн ирэхийг урьж байна.
Мөн энэ үеэр Үндэсний Урлагийн Их театрын Түнш Номадсын сүлжээ жуулчин хүлээн авах ресторануудтай гэрээ байгуулах боломжтой. Тус арга хэмжээнд оролцох хүсэлтэй жуулчны компаниуд дараах формыг бөглөж ирүүлнэ үү.
Та бүхнийг 2023.05.22-ны 18:00 цагаас УДБЭТ-т хүрэлцэн ирэхийг урьж байна.
Арга хэмжээнд ЭНД дарж бүртгүүлнэ үү.
Эх сурвалж: БОАЖЯ
