/2022.08.05/ Увс аймгийн Наранбулаг суманд энэ сарын 1-ний өдрийн 17:00-18:00 цагийн хооронд аадар бороо орсны улмаас малчин Б-ийн 80 орчим бог мал үерийн усанд өртөж хорогджээ.

Одоогоор тус сумын Засаг даргын Тамгын газраас ажлын хэсэг очиж нөхцөл байдалтай танилцаж, хорогдсон малын сэг, зэмийг утгах ажлыг зохион байгуулж байгаа аж.

СЭРЭМЖЛҮҮЛЭГ: Цаг уурын байгууллагын ирүүлсэн мэдээллээр ойрын өдрүүдэд ихэнх нутгаар дуу цахилгаантай аадар бороо орох төлөвтэй байна. Иймд гэнэтийн үер ус, мөндөр, аянга цахилгаанаас сэрэмжтэй байхыг анхаарууллаа.