/2022.06.28/: Мадрид хотноо болох цэргийн эвслийн дээд хэмжээний уулзалтын өмнөхөн Турк Финланд, Швед улсуудыг НАТО-д гишүүнээр элсүүлэх эцсийн мөчид тохиролцоонд хүрчээ.

Туркийн Ерөнхийлөгч Режеп Тайип Эрдоган, Финландын Ерөнхийлөгч Саули Ниинистё, Шведийн Ерөнхий сайд Магдалена Андерссон нар Испанийн нийслэлд болсон уулзалтын үеэр гурван талт хэлэлцээрт хүрсэн гэж НАТО мэдэгдэв.

Хэсэг хугацааны турш эрчимтэй хэлэлцээ хийсний дараа НАТО-гийн Ерөнхий нарийн бичгийн дарга Йенс Столтенберг мягмар гарагийн орой хэлэхдээ: "Финланд, Швед хоёрыг НАТО-д элсэх замыг нээж өгөх гэрээ байгуулсныг дуулгахад таатай байна."

"Турк, Финланд, Швед улсууд зэвсгийн экспорт, терроризмын эсрэг тэмцэл зэрэг Туркийн санааг зовоогоод байсан асуудлуудыг шийдвэрлэх санамж бичигт гарын үсэг зурсан" гэв.

Андерссон энэхүү хэлэлцээрийг "маш сайн тохиролцоо" хэмээн өндрөөр үнэлж, хоригоо цуцлахыг ятгахын тулд Эрдоганд хэт их буулт хийсэн гэсэн мэдэгдлийг няцаав.

“НАТО-д бүрэн гишүүнээр элсэх дараагийн алхмыг хийх нь Швед, Финландын хувьд чухал ч НАТО-гийн хувьд маш чухал алхам, учир нь манай улс НАТО-гийн хүрээнд аюулгүй байдлыг хангагч байх болно” гэж Франс Пресс агентлагт ярьжээ.

Андерссон хэлэхдээ, тэрээр Туркийн удирдагчид ирэх сард хүчин төгөлдөр болох Шведийн терроризмын эсрэг хууль тогтоомжид өөрчлөлт оруулахыг батлан харууллаа.

Шведийн Ерөнхий сайд “Мэдээж бид терроризмын эсрэг тэмцлээ үргэлжлүүлэх болно, мөн НАТО-гийн гишүүн орнуудын хувьд Турктэй илүү нягт хамтран ажиллах болно” гэж хэлэв.

Швед, Финлянд улсууд НАТО-д гишүүнээр элсэхээс татгалзаж байсан нь зарим талаар олон нийтийн санал бодол, Оростой аюулгүй байдлын харилцаандаа болгоомжтой хандсантай холбоотой юм. Гэвч Орос өнгөрсөн хоёрдугаар сард Украинд ямар ч шалтгаангүйгээр халдлага үйлдсэний дараа энэ байдал эрс өөрчлөгдсөн бөгөөд хоёр улс НАТО-д нэгдэхийг хүсэх болсон юм.

Эх сурвалж: Theguardian